पोखरा महानगरपालिका वडा न ५ मालेपाटनस्थित सूर्यचन्द्र बिकास समाजको उद्घोषण तथा भाषणकला तालिम सनिवार सम्पन्न भएको छ ।
तालिमको जिल्ला समन्वय समिति कास्कीका प्रमुख लिलाधर पौडेलले उद्घाटन गर्नुभएको थियो।
पौडेलले समाज बिकासको क्रम बोल्ने सिपबाटै शुरु हुने हुदा समाजका अगुवाहरू परिमार्जित र परिष्कृत हुन तालिम फलदायी हुने बताउनुभयो।
नेतृत्वमा हुनुपर्ने अनिवार्य सीप बोल्ने शैली भएको हुँदा समाजका हर क्षेत्रमा सो अत्यावश्यक भएको भन्दै सिकेका कुरा व्यबहारमा उतार्न आग्रह गर्नुभयो ।
पोखरा महानगरपालिका वडा न पाँचका विभिन्न टोल बिकास संस्थाका करिब ८० जना प्रशिक्षार्थीहरूको सहभागी रहेको तालिममा उद्घोषण ,भाषण र नेतृत्व बिकासको बारेमा
जमुना बर्षा शर्माले सहजीकरण गर्नुभएको थियो। कार्यक्रमको उद्घाटन सत्रमा समाजका पूर्ब अध्यक्ष कृष्ण प्रसाद बराल,पोखरा महानगर कार्यपालिका सदस्य हरीमाया बिश्वकर्मा ,वडा सदस्यद्वय कल्पना भुवाजी क्षेत्री , गोबिन्द पराजुली सहितले मन्तव्य व्यक्त गर्नुभएको थियो ।
समाजका अध्यक्ष कमला गौतमको अध्यक्षता सम्पन्न उद्घाटन कार्यक्रममा ,स्वागत उपाध्यक्ष सावित्री कोइराला र संचालन महासचिब हेमराज भण्डारीले गर्नुभएको थियो ।